İran prezidenti Trampa cavab verdi: Xalqımız təslim olmayacaq
Posted on : iran 10/16/2017 1:00:35 PM
İran prezidenti Trampa cavab verdi: Xalqımız təslim olmayacaq
Faktxeber.com məlumat
verir ki, ABŞ prezidenti Donald Tramp ötən gün dövlətinin gələn illər üçün
İranla bağlı strategiyasını açıqlayıb nüvə sazişinin yenidən baxılması və onun
ləğv edilməsi üçün onu konqresə göndərib.
Dünya ictimaiyyətinin
imzaladığı nüvə sazişini ləğv etmək istəyən Trampa Həsən Ruhani belə cavab
verib:
"Trampın
sözləri İrana lənət oxumaqdır. Onun dedikləri İran millətinə qarşı əsassız
ittihamlardan başqa bir şey deyil. İran xalqı bir diktatorun nifrət saçan sözlərinə
təslim olan deyil. İndi əvvəlkindən daha güclü olmalıyıq. İran İnqilab Keşikçiləri
Korpusunun regiondakı terrorçulara qarşı fəaliyyəti davam edəcək...Onun sözləri
bir sıra söyüş və iranlılara qarşı əsassız ittihamlardan başqa bir şey deyildi.
Mən onu tarixi, coğrafiyanı oxumağa, beynəlxalq müqavilələr və konvensiyaların
tarixini oxumağa dəvət edirəm, Trampın görünür xəbəri yoxdur ki onlar altmış
neçə il öncə bu ölkədə çevriliş edən birilərini iş başına gətirdilər. Onların
iş başına gətirdiyi həmin güc pulla, nüfuzla və təzyiqlə bizim ölkədəki qanuni
hökuməti devirdilər. Elə bil Tramp yaddan çıxarıb ki bu millətin şah
diktatorluğuna qarşı mübarizəsində bu Amrika idi ki şahı müdafiə edirdi.
Amerika islam inqilabından dərhal sonra və iki il sonra yenə çevriliş həyata
keçirdi, amma baş tutmadı. Deyəsən Tramp yaddan çıxarıb ki diktator Səddam
İrana təcavüz edəndə 8 il muharibə ərzində onlar diktatoru dəstəklədilər. Tramp
gərək tarixi yaxşı oxusun bilsin ki onlar son 60 ildə iranlılarla nələri ediblər...Tramp
gedib coğrafiyanı da oxusun və heç olmasa körfəzdə olan öz hərbçilərindən və əllərində
Fars Körfəzinin xəritəsi olan pilotlarından soruşsun ki o körfəz Fars körfəzidir
yoxsa ərəb körfəzi... Bundan sonra nüvə sazişinə bir maddə nə artırılacaq, nə də
əskiləcək. Əgər milli mənafeyimiz təmin olarsa bu sazişdə qalacağıq"