FaktXəbər-in verdiyi məlumata görə, Rusiyanın "Admiral Essen" freqatı Suriyanın Deyr əz-Zor şəhərindəki terrorçuların strateji obyektlərinə "Kalibr" tipli raketlərlə zərbə endirib. Bu barədə Rusiyanın Müdafiə Nazirliyi məlumat yayıb. 

Məlumata görə, Aralıq dənizində olan "Admiral Essen" döyüş gəmisinin raket zərbələri nəticəsində İŞİD terrorçularına məxsus bir neçə komanda məntəqəsi, silah və hərbi sursat anbarları, rabitə qovşağı və hətta ağır texnikaları təmir edən zavod məhv edilib.

"Əl-Məyadin" kanalı xəbər verir ki, ötən gün ərzində Deyr əz-Zorda 100 terrorçu öldürülüb. Suriya xüsusi təyinatlı dəstələri artıq Əş-Şula və Kəbadcib məntəqələrini ələ keçirib.