Şəhidlər Xiyabanındakı təxribatla bağlı cinayət işi açıldı
Posted on : qafqaz 10/16/2017 12:59:31 PM
Ərdəbil Məhde Təşəyyo - Baş Prokurorluğun mətbuat xidmətinin rəhbəri Eldar Sultanovun FaktXəbər-ə verdiyi məlumata görə, avqustun 21-dən 22-ə keçən gecə paytaxtın Şəhidlər xiyabanında qəbirlər üzərində təhqiredici hərəkətlərin edilməsi faktı ilə bağlı Bakı Şəhər Prokurorluğunda Cinayət Məcəlləsinin 245-ci maddəsi ilə cinayət işi başlanıb.
Cinayət işi üzrə istintaqın aparılması Bakı Şəhər Baş Polis İdarəsinin İstintaq idarəsində tapşırılıb.
Hadisəni
törədən şəxs və ya şəxslərin müəyyən edilərək məsuliyyətə cəlb edilməsi
istiqamətində təxirəsalınmaz istintaq-əməliyyat tədbirləri həyata
keçirilir.
Qeyd edək ki, naməlum şəxslər İlham və Fərizənin qəbirləri üzərində təhqiredici hərəkətlərə yol veriblər.
