Al-Əlşeyx 35 il qabaqdan etibarən Ərəfə xütbəsini deyirdi. Bu il isə birinci dəfədir ki, bədən şəraitinə görə bu xütbəni deyə bilməmişdir. Məscidül-Haram işlərinin sədri Əbdürrəhman Əl-Sədis birinci dəfə olaraq Ərəfatda yerləşən Nəmərə məscidində xütbə demişdir. Digər tərəfdən isə Əbdüıəzizin Ərəfə günü hazırkı şəraitdə, İrana və şiələrə qarşı ittihamla çıxış etdikdən sonra birinci dəfə olaraq Ərəfə xütbəsini oxumaması çoxlu suallar yaratmışdır. Rəyül-Yovm qəzeti bu ölkənin informasiya mənbələrindən nəql edərək yazmışdır ki, Al-Əlşeyxin İran və şiələrə qarşı çıxışları rəsmi və qeyri-rəsmi dairələrin narazılığına səbəb olmuşdur və Ərəfə xütbəsinin onun tərəfindən oxunmamasına gətirib çıxarmışdır. Qaynaqlar vurğulamışlar ki, kəskin bir ehtimal vardır ki, Ərəbistan kralı Al-Əlşeyxin son sözlərinə və şiələri təkfir etməsinə görə onun xütbə deməsinə mane olmuşdur. Qaynaqlar həmçinin vurğulamışlar ki, gələcək həftə, yaxud aylarda Al-Əlşeyx təqaüdə çıxa bilər. Şeyx Sədis də öz xütbələrində dolayısı ilə həmin mövzuya işarə etmiş və Al-Əlşeyxin 35 illik xidmətlərinə minnətdarlıq etmişdir. Qaynaqların vurğuladığına görə Məkkə qəzeti Al-Əlşeyxin İrana və şiələrə qarşı çıxışını nəşr etdiyinə görə çoxlu qınağa məruz qalmışdır. Belə ki, Şeyx Əl-Sədis Ərəfə xütbəsində bildirmişdir ki, informasiya vasitələri bütün imkanlarını islam dininin gücləndirilməsinə sərf etməli və şiələrə qarşı şayiələri nəşr etməkdən çəkinməlidirlər.