Yəmən şiələri qiyam edə bilər
Posted on : Digər sahələr 10/16/2017 12:59:31 PM
Yəmən hökumətinə cümə gününə kimi möhlət verildi
Ərdəbil Məhde Təşəyyo - ın “On4haber”-ə istinadən verdiyi xəbərə görə, Yəmən “Husi” hərəkatının lideri Əbdülməlik Əl-Husi, haqlı tələblərinin yerinə yetirilməsi üçün cümə gününə kimi hökumətə möhlət verib.
Yəmən şiələrinin lideri Əbdülməlik Əl-Husi mövcud hökuməti zəif və yalançı adlandırıb. O, ölkədəki şiələrdən zülmlə mübarizə üçün paytaxt Sənaya tərəf yürüş keçirməyə, tələblərinin yerinə yetirilməsi üçün vəhdət şəklində hərəkət etməyə çağırıb.
Yəmənin “11 Yanvar Hərəkatı”nın lideri Naif Əl-Kanis isə hökumətə xəbərdarlıq edərək, “Hökumət bizim haqlı istəklərimizi yerinə yetirməzsə, inqilaba başlayacağıq və bu hökuməti kökündən silib atacağıq.” - deyib.
Şiələrin isə liderlərinin çağırışına qulaq asaraq, paytaxta tərəf yürüşə başladıqları bildirilib.