Ərdəbil Məhde Təşəyyo - ın “Rosbalt”-a istinadən verdiyi xəbərə görə, İraq ordusu Tikriti İŞİD terrorçularından azad etmək məqsədi ilə iri miqyaslı hərbi əməliyyatlara başlayıb.

Səhər saatlarından başlayan hərbi əməliyyatlarda İraq ordusu hərbi hava qüvvələrinin dəstəyi ilə Tikrit şəhərinə üç istiqamətdən hücuma keçməyə başlayıb. İraq ordusuna irəliləməkdə əsas maneə kimi minalanan ərazilər və snayperlər göstərilir.

Qeyd edək ki, iyun ayının 12-dən İŞİD terrorçularının əlinə keçən Tikrit şəhəri bir neçə dəfə İraq ordusunun qismən nəzarətinə keçsə də, İŞİD terrorçularını şəhərdən çıxarmaq mümkün olmayıb.